非常鍾意渡海小輪。中環天星碼頭最後一日，無去搭下船，真係有D遺憾。
比較少人談論既係：隔離個皇后碼頭，都要一齊夷平。
皇后碼頭，唔單只係當年英女皇訪港上岸，同埋多任港督舉行上任儀式既歷史性地標，仲係無數電影同埋電視劇名場面既取景之地。
《大時代》尾聲，方展博約三大「孖沙」韋家誠、郭英中、賀新「借運」，都係係皇后碼頭架陰功……
以後只可以係光影片段裡面，再見到呢個地方………
想起一兩年前，睇英文雜誌《HK》，講中上環SOHO區，漸漸受到重建發展既入侵。裡面訪問某發展商，佢大意係甘話：「車，D舊樓都係大概50年歷史之嘛，我起D新樓，50年後咪有呢個歷史價值羅！」
大佬，你有無白痴D呀？如果D舊樓唔拆，50年後，就有100年歷史喇。
同呢D人講歷史感情，晒氣。
（圖片轉自維基百科）
8 comments:
個d人話我地濫用「集體回憶」呀!
TMD……
清拆、重建,一向都係香港特色。
倒不如利用影像、文字等媒體,使到地標以另一方式重活。 =]
我怕好快香港所有的特色比呢d發展商清拆、重建, 不知不覺間無晒...
與澳門相比...香港漸漸比下去了
to:喬靖夫
你題到《大時代》尾聲，方展博約三大「孖沙」韋家誠、郭英中、賀新「借運」一幕...
咁橋呢排我腦海裡成日出現這對白.
賀新同方展博講:：「...le伯爺對我有恩...」
所以我一有空便拿著相機到中上環灣仔等地拍照（當然是拍戰前樓宇），還要用黑白菲林，夠懷舊；現在我的珍藏也多了皇后碼頭呢！
唔拆野......HK就冇位o羅~
(眾人:你欠打牙~!!)
逃~
算吧啦...移民過馬交把啦,香港...自由行都唔吼架啦
香 港 政 府 愛 上 了 Lego, 拆 下 了 的 東 西 ﹐ 然 後 起 個 model 當 真 的
真 可 惜 ﹗
超級同意！！真是勁傷感又無奈
Post a Comment